البواه ميلاد جديد ناطق بالحسانية

شهدت الساحة الإعلامية الصحراوية المستقلة بحر الأسبوع الماضي ميلاد موقع جديد مستقل ناطق بالهجة الحسانية يحمل على عاتقه نشر المعلومة الإخبارية بالهجة الحسانية و هي تجربة تستحق التشجيع و الدعم كما أورد النائب البرلماني التاقي مولاي حيث خص الموقع الجديد بالتصريح التالي: "هذا الموقع لاهي اتعود عندو اهمية اكبيرة و هذا نابع اصلا من فكرتو اللولا اللي تخدم القضية الوطنية اولا و تحافظ على موروثنا الثقافي، كيف العالم كامل اللي عاد امقونن لهجاتو و امعدل لها قواميس خاصة و امخصص الها معاهد و متاحف لحفظها من الاندثار و الضياع".
و قال التاقي اعلن البواه تجربة صحراوية اصيلة محتاجة للدعم و التشجيع و المساعدة من الجهات الرسمية اللي لها صلة بالاعلام و الثقافة و اطلب ف نهاية اكلامو " المثقفين الصحراويين كاملين اعلنهم يدلو ادلاهم ف البواه و لا يبخلوه شي يلين كانو يوقف اعلى كرعيه مع المواقع الصحراوية المشهورة ف الساعة الاعلامية.
كما خصه الشاعر الكبير و المقاتل الزعيم ولد علال بالتصريح التالي : "تجربة اجديدة مستحقة التشجيع".
و ف الردود لولى على هذا الموقع ثمن الزعيم هذي التجربة و اكد اعلنها اتكد تضمن انتشار اكبير للهجة الحسانية وصت الرجلي اللي امتبع الشبكة المعلوماتية فحالت ما اصبر القايمين بالموقع على لستمرار و النشر.
و زاد قال اعلن هذي المحاولة اتكد تتلقا لها ياسر من الصعوبات بيها طبيعة اللهجة الحسانية اللي متعقدة في التراكيب و المصطلحات، و ذاك ايخلي الكتابة بيها واعرة ف ياسر من لبليدات ، و زاد قال :"يغير بعد تجربة زينة على كل حال بيها لاهي ترفع من قيمة اللهجة الحسانية كونها لهجة عالمية مستحقة التدوين و الاهتمام".
و نظهرو اعلن الاجيب و لمغني الزعيم ولد علال اطار اكبير بوزارة الثقافة الصحراوية و لو دوايين فلغنى الحساني و مجموعة لاباس بيها من الدراسات المعمقة ف الثقافة و الادب الحساني و هو هو صاحب رائعة "عريظ الكرفة و افوشال" .

ولمن أراد زيارة الموقع :http://elbawahessaharaui.blogspot.com/